KISII KO UDAAS DEKH KAR

Here is an all time favorite written by Janaab Sahir Ludhianvi Saheb :-

KISII KO UDAAS DEKH KAR

tumhe.n udaas saa paataa huu.N mai.n kaa_ii din se
naa jaane kaun se sadame uThaa rahii ho tum
vo shoKhiyaa.N, vo tabassum, vo kah_kahe na rahe
har ek chiiz ko hasrat se dekhatii ho tum
chhupaa chhupaa ke Khamoshii me.n apanii bechainii
Khud apane raaz kii taashiir ban gaii ho tum

merii ummiid agar miT gaii to miTane do
ummiid kyaa hai bas ek paas-o-pesh hai kuchh bhii nahii.n
merii hayaat kii Gam_Giii.nio.n kaa Gam na karo
Gam-e-hayaat Gam-e-yaknafs hai kuchh bhii nahii.n
tum apane husn kii raanaaiio.n par raham karo
vafaa fareb hai tul-e-havas hai kuchh bhii nahii.n

mujhe tumhaare taGaaful se kyuu.n shikaayat ho
merii fanaa mere ehasaas kaa taqaazaa hai
main jaanataa huu.N ke duniyaa kaa Khauf hai tum ko
mujhe Khabar hai ye duniyaa ajiib duniyaa hai
yahaa.N hayaat ke parde me.n maut paltii hai
shikast-e-saaz kii aawaaz me.n ruuh-e-naGmaa hai

mujhe tumhaarii judaaii kaa koyii ra.nj nahii.n
mere Khayaal kii duniyaa me.n mere paas ho tum
ye tum ne Thiik kaha hai tumhe.n milaa na karuu.N
magar mujhe bataa do ki kyuu.N udaas ho tum
khafaa na hona merii jurrat-e-taKhtab par
tumhe.n Khabar hai merii zi.ndagii kii aas ho tum

meraa to kuchh bhii nahii.n hai mai.n ro ke jii luu.Ngaa
magar Khudaa ke liye tum asiir-e-Gam na raho
huaa hii kyaa jo zamaane ne tum ko chhiin liyaa
yahaa.N par kaun huaa hai kisii kaa socho to
mujhe qasam hai merii dukh bharii jawaanii kii
mai.n Khush huu.N merii mohabbat ke phuul Thukaraa do

mai.n apanii ruuh kii har ek Khushii miTaa luu.Ngaa
magar tumhaarii masarrat miTaa nahii.n sakataa
mai.n Khuud ko maut ke haatho.n me.n sau.Np sakataa huu.N
magar ye bar-e-musaaib uThaa nahii.n sakataa
tumhaare Gam ke sivaa aur bhii to Gam hai.n mujhe
nijaat jin se mai.n ek lamhaa paa nahii.n sakataa

ye uu.Nche uu.Nche makaano.n kii deo.Diiyo.n ke tale
har gaam pe bhuuke bhikaariiyo.n kii sadaa
har ek ghar me.n aflaas aur bhuuk kaa shor
har ek simt ye insaaniyat kii aah-o-bukaa
ye karKhaano.n me.n lohe kaa shor-o-gul jis me.n
hai dafn laakho.n Gariibo.n kii ruuh kaa naGmaa

ye shah raaho.n pe ra.ngiin saa.Diio.n kii jhalak
ye jho.Npa.Diyo.n me.n Gariibo.n kii be-kafan laashe.n
ye maal road pe karo.n kii rail pail kaa shor
ye paTariyo.n pe Gariibo.n ke zard_ruu bachtche
galii galii me.n bikate hue javaa.N chehare
hasiin aa.Nkho.n me.n afsurdagii sii chhaii huii

ye jang aur ye mere vatan kii shoKh javaa.N
khariidii jaatii hai.n uThatii javaaniyaa.N jinakii
ye baat baat pe kanuun aur zabte kii giraft
ye ziist ye Gulaamii ye daur-e-majabuurii
ye Gam hai.n bahot merii zi.ndagii ko miTaane ko
udaas rah ke mere dil ko aur ranj na do